Xavier Castro, autor de A lume manso e A rosa do viño, recibiu o premio Picadillo do Fórum Gastronómico da Coruña en recoñecemento a súa traxectoria. Xavier Castro, ademais de membro do comité científico da Fundación Dieta Atlántica da USC, forma parte da rede de investigadores europeos especializados en historia da alimentación, conta con numerosas publicacións neste ámbito e ten colaborado como asesor histórico especializado en varios proxectos audiovisuais.
Xavier Castro desempeña ou seu labor docente na Facultade de Xeografía e Historia, ademais de ter impartido docencia e desenvolvido investigación na Université de Rennes e na École des Hautes Ètudes en Sciences Sociaux de París. As súas publicacións teñen sido recoñecidas con diversos galardóns, entre eles o Premio Nacional de Gastronomía, o Gourmand World Award ous os premios de Investigación Ferro Couselo e Deza Investigacións, entre outros.
Recentemente, a prestixiosa adega Moure, da Ribeira Sacra, bautizou un seu viño co título do seu libro A rosa do viño. Na fotografía podemos velos un a carón do outro no museo Centro do viño de Monforte de Lemos.
