Esta fin de semana tamén será tempo para a boa música infantil na Feira do Libro da Coruña. Chega á súa fin a Semana da Música Infantil que producimos dende a Editorial Galaxia e que constituíu un enorme éxito de asistencia, coa carpa chea todos os días sen excepcións de cativada con ganas de cantar e bailar.
Este sábado será tempo para As Maimiñas das que Editorial Galaxia vén de publicar o seu primeiro traballo, o libro-disco 'Unha viaxe polo mundo' ilustrado por Patricia Castelao.
O domingo, pechará o ciclo Paco Nogueiras co seu 'Brinca vai'.
Poremos así o peche a sete días ininterrumpidos no que a mellor música infantil encheu os Xardíns de Méndez Núñez da cidade herculina de música, alegría e cor.
