Este martes proseguirán as xornadas de debate que, polo país enteiro, están a celebrarse arredor do libro de Xaime Subiela, 'Para que nos serve Galiza?' libro co que o autor gañou en 2013 o Premio Ramón Piñeiro de Ensaio. Desta volta será en Ames, ás 20,30 horas no Pazo da Peregrina en Bertamiráns.
Participan no coloquio Martiño Noriega, alcalde de Teo, Encarna Otero, historiadora e política, Xaime Subiela, autor do libro e membro de Ames Novo, entidade que, en colaboración coa Editorial Galaxia, organiza esta xornada de debate que será moderada por Tino Santiago, xornalista da Televisión de Galicia.
Menu
Menu
