Entrega da Medalla de Ouro de Galicia á Fundación Penzol

Este 25 de xullo, a Fundación Penzol recibirá a Medalla de Ouro de Galicia. O acto celebrarase ás 19.30 na Cidade da Cultura de Galicia.
A distinción foi outorgada o pasado día 11 de xullo e coincide cun ano no que conmemoramos o 50 aniversario da Fundación e o centenario do nacemento de Francisco Fernández del Riego, quen foi o seu director durante moitísimos anos.
No día grande do noso país, este galardón vén encher á familia da Fundación Penzol, así como a do Grupo Galaxia, de ledicia, ao tempo que nos volve lembrar o mandado recibido, por Fermín Penzol, polo propio don Paco, e por tantos outros que axudaron a crear e nutrir Galicia, ao respecto de seguírmonos esforzando para que a nosa cultura, a nosa lingua, e todo o que significamos, nunca desapareza. Porque, ademais, ese será o único xeito no que teremos un futuro.