Descarga de balde as primeiras páxinas de 'Maternosofía'

A aceptación da crítica e, sobre todo, o interese dos lectores e lectoras por 'Maternosofía', o novo libro de Inma López Silva, permítenos afirmar que estamos diante do libro da tempada. Unha obra que está a ter unha enorme repercusión tanto nas redes sociais como no blogue que montamos dende o de Editorial Galaxia e onde a autora, cada martes e xoves, ofrece un post que fai que 'Maternosofía' teña vida máis aló das páxinas impresas dun libro que, está claro, non deixa indiferente a ninguén.
Dende hoxe e dende o banner que atoparás nesta web, xa é posible descargar, de balde, as primeiras páxinas da obra. Un petisco literario que pretende animar a todas e a todos a seguir lendo un libro orixinal, fresco, profundo e, sobre todo, cheo de vida.