Mañá Daniel Asorey, gañador da última edición do Premio de Narrativa Breve Repsol coa novela Nordeste, preséntaa mañá en Compostela ás 19.45h na librería Couceiro. Estará acompañado de Chus Nogueira e de Francisco Castro e agarda contar tamén coa vosa presenza.
Trátase dunha novela que se ocupa da interconexión entre Galicia-Brasil a través dunha ucrónica República galega de expansión ultramariña e da que terras coma Bahía, Río Grande do Norte e o mesmo São Paulo son colonias. O xurado destacara o día da concesión do premio a calidade estilística e a imaxinación desbordante. Asorey cre que a imaxinación non é tanta pois a historia está tecida cos díos da realidade.
Os temas como o poder, a corrupción, a liberdade ou a mulleres son centrais. O poder do masculino fronte a tres mulleres protagonistas que retratan as realidade subalternas, que siñan con mundos posibles e que critican o mundo de opresión que representan os homes.
Menu
Menu
