A Editorial Galaxia presentou hoxe en rolda de prensa xunto a outras entidades, algunhas das actividades que imos desenvolver en colaboración coa Xunta de Galicia relacionadas coa obra de Carlos Casares.
Ademais de todo o que como Galaxia facemos, como son as novas edicións dos seus libros, a recuperación da saga dos Toribios (que esta semana presentaremos), a biografía que preparou Henrique Monteagudo e que esta semana entra no prelo… e outras moitas novidades bibliográficas que iremos contando, preparamos tamén, para a Consellería de Cultura e a Secretaría Xeral de Política Lingüística, conferencias por todo o país, obras de teatro, actividades de animación á lectura…
Todas iniciativas para reivindicar o escritor desta Galaxia, un escritor poderoso que apostou pola lingua e a cultura deste país.
Menu
Menu
