Convencidos, como dicía Francis Bacon, de que “a lectura fai o home completo, a conversa faino áxil e a escrita faino preciso” no colexio Amor de Dios de Vigo celebraron o 17 de febreiro a vixésimo segunda edición do Día da Lectura, dirixida aos rapaces de 6º de Primaria e 1º e 2º de Secundaria.
Foi un día no que os libros de texto, as explicacións e as actividades foron substituídas por libros de lecturas, charlas de escritores e obradoiros de escrita e de ilustración.
A xornada contou coa participación de Patricia Mallo, autora de Os Cabezombis na Mansión Espello, que lle falou sobre o proceso de creación do libro e coa que fixeron un obradoiro de escrita moi divertido.
Pequenos e maiores quedaron encantados coa intervención da escritora e agora agardan xa a continuación do seu libro para coñecer máis aventuras dos pequenos Cabezombis. A maxia das palabras é o que ten: sempre nos sorprenden.
Menu
Menu
