'Bicos de música', como xa aconteceu cos outros traballos do grupo de música infantil Mamá Cabra, volve a pasar polo prelo para que poidamos fabricar máis exemplares para seguir satisfacendo aos milleiros de seareiros e seareiras que se achegan a este novo traballo cheo de cancións divertidas e propostas de baile e festa. En 'Bicos de música', ilustrado como os outros dous por Kristina Sabaite, Mamá Cabra agasállanos ademais cun DVD que vemos como unha película e que nos vai contando un día no grupo, dende o instante que quedan para ensaiar ata que rematan o día, tranquilos e en pixama, arrolados polos bicos máis gorentosos que hai, que son, precisamente, os bicos de música.
Menu
Menu
