Estás aquí:

Código: 1674

O pai dun asasino

Andersch , Alfred

decatalogado

O ascenso da ideoloxía nazi en Alemaña vivido polos alumnos dun colexio.

Está é unha historia baseada en feitos reais. Un dos seus protagonistas é o profesor Himmler, pai do futuro dirixente nazi organizador do xenocidio xudeu. O relato desenvólvese nun colexio de Munich durante unha hora de clase de grego na que irrompe o vello Himmler, establecendo con varios alumnos un pulso malvado e cruel. O narrador, que comeza sendo un anónimo e atento observador da violencia psíquica e moral que se vai apoderando da aula, acaba converténdose na súa principal vítima. O proceso é transformado na literatura por Alfred Andersch cun estilo directo, vivo e meticuloso que consegue facer partícipe ao lector do oprobio e da humillación experimentada polos alumnos desta escola na Baviera que comezaba a asistir, impasible, ao ascenso ao poder dos nacional-socialistas.

Compartir nas redes sociáis

Detalles do libro

Paxinas: 76

Deseño: Rústica

Data Publicación: 01/11/1992

Dimensións 121 x 215 mm.

Colección: Árbore

Nº na Colección:

Edición: 1ª

Editorial: Galaxia

ISBN: 978-84-7154-800-9

Observacións:

AUTORES/AS

Andersch , Alfred

Naceu en Munich no ano 1914. De rapaz militou nas Mocidades Comunistas de Baviera, motivo polo que foi internado no campo de concentración de Dachau. Durante a Segunda Guerra Mundial foi obrigado a alistarse no Exército alemán, do que desertaría en 1944, na fronte italiana. Despois da Guerra comezou a escribir, colaborando en xornais da súa Baviera natal. No ano 1958 instalouse en Suíza, onde morrería en 1980. Andersch, que foi un dos fundadores do Grupo 47, é autor dunha ampla produción literaria que abarca xéneros tan distintos como a poesía, a novela, o teatro, o ensaio e a reportaxe.