Estás aquí:

Código: 441

Acordes náufragos

Riveiro Coello , Antón

15,50 € IVE INCLUIDO

Este libro recolle nove relatos escritos en diferentes épocas da vida do autor.

Libro de retatos, fantásticos os máis deles, enfiados pola traxedia do naufraxio e tocados case sempre pola vea amorosa e sentimental dos seus protagonistas. Textos que evocan e recrean non só feitos históricos, coma o afundimento do vapor correo Santa Isabel na ría de Arousa en 1921, senón tamén lendas do río Limia, o amor tráxico dunha santeira cubana ou mesmo os tratos dunha nena con Valle-Inclán. Relatos todos eles que ofrecen una visión imaxinativa e sensible de seres solitarios, anainados polo pano de fondo dunha música que, coma unha orquestra líquida, ergue una voz fonda, abisal, capaz de chegar aos lugares máis ocultos dos soños.

Compartir nas redes sociáis

Detalles do libro

Paxinas: 144

Deseño: Rústica con lapelas

Data Publicación: 15/05/2014

Dimensións 135 x 210 mm.

Colección: Literaria

Nº na Colección:

Edición: 1ª

Editorial: Galaxia

ISBN: 978-84-9865-497-4

Observacións:

Novas relacionadas con este libro

Xa nas librerías 'Acordes náufragos', o novo libro de Antón Riveiro Coello

AUTORES/AS

Riveiro Coello , Antón

Naceu en Xinzo de Limia, no ano 1964. Cursou estudios de Dereito na Universidade de Santiago e actualmente traballa na administración autonómica. Riveiro Coello é un dos narradores máis premiados dos xurdidos na literatura galega durante a pasada década. Ademais dun gran número de relatos en libros colectivos e revistas literarias ten publicadas as novelas Valquiria (1993, premio Camilo José Cela), A historia de Chicho Antela (1997), A quinta de Saler (1999), coa que foi finalista do premio Torrente Ballester, así como as recompilacións de relatos Parque Central(1996) e Airadas de palabras (1998), onde se recollen os contos que lle foron premiados nos certames Manuel Murguía e Modesto R. Figueiredo entre os anos 1991 e 1997. Con Animalia (2000) obtivo o premio Café Dublín correspondente a 1999. As rulas de Bakunin recibiu o premio García Barros en 2000, ano no que tamén logrou o Álvaro Cunqueiro de Narrativa con Homónima.

En 2007 publica en Galaxia A voz do lago, novela coa que se adentra na creación literaria para os lectores máis novos, e na colección Literaria Os ollos de K.