Estás aquí:

Código: 285

A quinta de Saler

Riveiro Coello , Antón

16,45 € IVE INCLUIDO

Un editor contrata a dous escritores, que non se coñecen entre eles, para que escriban unha novela compartida sobre O liberal de Saler, un home que intentou instaurar unha especie de comunismo no antigo Couto Mixto, aquel territorio de soberanía compartida na raia ourensá.

Ese é o punto de partida co que o autor constrúe unha novela orixinal e ben tramada, escrita cun sorprendente dominio da linguaxe literaria e as técnicas narrativas. A quinta de Saler, de Antón Riveiro Coello (Xinzo de Limia, 1964), foi obra finalista da décima edición do premio Torrente Ballester de Narrativa.

Compartir nas redes sociáis

Detalles do libro

Paxinas: 196

Deseño: Rústica con lapelas

Data Publicación: 27/10/2006

Dimensións 140 x 210 mm.

Colección: Literaria

Nº na Colección:

Edición: 3ª

Editorial: Galaxia

ISBN: 978-84-8288-935-1

Observacións:

AUTORES/AS

Riveiro Coello , Antón

Naceu en Xinzo de Limia, no ano 1964. Cursou estudios de Dereito na Universidade de Santiago e actualmente traballa na administración autonómica. Riveiro Coello é un dos narradores máis premiados dos xurdidos na literatura galega durante a pasada década. Ademais dun gran número de relatos en libros colectivos e revistas literarias ten publicadas as novelas Valquiria (1993, premio Camilo José Cela), A historia de Chicho Antela (1997), A quinta de Saler (1999), coa que foi finalista do premio Torrente Ballester, así como as recompilacións de relatos Parque Central(1996) e Airadas de palabras (1998), onde se recollen os contos que lle foron premiados nos certames Manuel Murguía e Modesto R. Figueiredo entre os anos 1991 e 1997. Con Animalia (2000) obtivo o premio Café Dublín correspondente a 1999. As rulas de Bakunin recibiu o premio García Barros en 2000, ano no que tamén logrou o Álvaro Cunqueiro de Narrativa con Homónima.

En 2007 publica en Galaxia A voz do lago, novela coa que se adentra na creación literaria para os lectores máis novos, e na colección Literaria Os ollos de K.