Premios para 'Mr Gwyn' e 'María Fumaça'

Como todos os anos, a web dedicada á literatura galega, Fervenzas Literarias, abriu a votación para que os lectores e lectoras escollesen os mellores libros, segundo o seu criterio, do ano pasado. E máis unha vez, publicacións da nosa editorial volven resultar destacadas como as mellores ou en postos moi elevados.
Este ano, a colleita é ben agradable para a nosa editorial, ao recoñecerse como a Mellor Tradución a que fixo Carlos Acevedo do 'Mr Gwyn' de Alessandro Baricco e, como Mellor Libro Infantil, 'María Fumaça'.
Dúas alegrías das que nos sentimos moi orgullosos e agradecidos, tanto á web como aos lectores e lectoras que apostaron por estes dous libros do noso catálogo.