O escritor Manuel Rivas será investido doutor honoris causa pola Universidade da Coruña (UDC) a mediados do próximo mes de novembro. A súa candidatura para recibir este recoñecemento xa recibiu o visto e prace da Facultade de Filoloxía, e só resta que o vindeiro luns os compoñentes da mesa do claustro fagan o propio para oficializar a distinción.
Sen dúbida, un recoñecemento máis que merecido para un escritor de nós, internacional dende hai xa moito tempo, e que ademais fai nome grande da cidade herculina que o viu nacer alí por onde vai.
Dende a familia de Galaxia sumámonos aos moitos parabéns que, sen dúbida, esta nova vai traerlle.
Menu
Menu
