Na tarde do martes eran moitas as nenas e nenos que se achegaban ao Pazo da Cultura de Pontevedra para asistir ás distintas actividades desa cita fermosa que cada ano nos sorprende como é o Salón do Libro Infantil e Xuvenil.
Coma sempre, hai un tema central sobre o que gravita todo o Salón. Nesta edición, o lema 'A toda máquina', por iso nos pareceu axeitado presentar o noso proxecto Galaxia Tales, a web de contos interactivos en galego, castelán e inglés que se poden descargar dende o enderezo que figura á dereita destas liñas, a un prezo realmente baixo. Canda os contos, fondos de escritorio de balde, ilustracións para colorear…e a posibilidade, tamén, de ver aproximadamente o 20 por cento de todos e cada un dos contos antes de nos decidir á compra.
Un serán para achegarnos á literatura 2.0.
Menu
Menu
