Charla con Merchi Rodal en Betanzos

A reposteira do programa LARPEIROS, Merchi Rodal, manterá un encontro cos asistentes á librería Biblos de Betanzos o vindeiro 21 de febreiro ás 19 horas.
A reposteira agasallará aos asistentes con algún dóce petisco saído dos seus fornos.
Unha ocasión única para partillar un tempo con ela e falar de repostería, galdrumadas e outras larpeiradas nas que a cociñeira do Morrazo se ten revelado como unha autoridade admirada e moi seguida polos milleiros de persoas que non só atenden ao programa de televisión senón tamén ao seu receitario, un dos éxitos editoriais do ano pasado.