O libro 'Secesión' de Chus Pato, que recentemente saíu do prelo na nosa editorial, é o merecente, a xuízo dos coordinadores e colaboradores habituais da Revista das Letras do xornal 'Galicia Hoxe' como o mellor libro do ano. Segundo informa o xornal compostelano, a decisión foi practicamente unánime para este libro da nosa poeta que se move na fronteira delicada dos xéneros.
Por outra banda, a montaxe de Sarabela Teatro a partir da obra de Eduardo Blanco Amor, 'A esmorga' ergueuse co recoñecemento á mellor montaxe teatral do 2009.
Co gallo destes galardóns, mañá, día habitual de publicación do suplemento cultural, a revista estará dedicada por completo a estes galardóns.
Menu
Menu
