Hai semanas presentábase en Compostela o proxecto 'Dálle a volta', un completo material descargable dende a Rede e orientado á Educación do Consumo que contempla a descarga de balde do conto interactivo e en Rede, 'Area fai seis' de Araceli Gonda e ilustrado por María Noel Toledo, así como un completo 'Proxecto de educación para o consumo en educación infantil' desenvolvido por Ánxeles Abelleira Bardanca.
Este material xa está a disposición de todo o mundo descargable dende a web do Instituto Galego de Consumo, tanto o conto como o proxecto educativo.
