Como ven sendo habitual, imos subindo ás plataformas dixitais a música dos nosos libro-discos, non só dos infantís, senón tamén doutros dos que iremos informando nos días sucesivos.
Esta semana pasada, subimos a Spotify e iTunes a música presente no libro-disco de Susa Herrera e Mamá Cabra, 'Cartas que veñen e van', un proxecto musical que queda xa perfectamente definido coas primeiras palabras que abren este traballo:
"Un día quixémoslle escribir unhas cartas a uns personaxes moi singulares que aquí presentamos, neste libro-disco. E pensamos: "Mellor que cartas de papel, ou electrónicas, ímolas facer musicais. Aforramos papel e gasto de luz. E ademais, servirán para que os nenos e as nenas tamén as canten e as bailen con nós".
Menu
Menu
