Luzbell. O demo bombilla

Escritor e guionista de cómics dende os anos 90. En 2013 funda Rosetta Studio para crear cómics en galego para as páxinas dominicais dos periódicos galegos —La Región, Atlántico Diario, Diario de Pontevedra, El Progreso e El Correo Galego— coa intención de que autores galegos, españois e internacionais acheguen o seu talento na creación de historias orixinais ambientadas e producidas en e para Galicia. Dende entón creánse máis de catorce series, como Roberto Rosetta, Breogán, Martín Moral, A Camada da Terra, As novas aventuras de Buffalo Bill, etc, con autores como Xosé Tomás, Abraldes, Esteban Maroto, Alex Saviuk, Pat Broderick e Stephen Scott, entre outros. Actualmente traballa nunha adaptación de Drácula co artista arxentino Gonzalo Ruggieri.

Xosé Tomás ten desenvolvido a súa actividade maioritariamente no eido da ilustración e do humor gráfico. O seu debú monográfico en BD chegou coa obra Tolos, para a Universidade da Coruña. Colaborou no suplemento “Xatentendo.com” de “La Voz de Galicia” e traballa como debuxante nas edicións da Coruña e de Carballo deste xornal. Tamén fixo ilustracións e cómics para a revista “Plis-Plas” (Radio Galega / Xunta de Galicia). Participou habitualmente na primeira etapa de “Golfiño”, realizando pasatempos e a serie “Luzbell”. Conduciu diferentes obradoiros sobre BD e expuxo obra en mostras do Museo do Humor de Fene.

Para a nosa editorial ten ilustrado libros como Flis-fli-ris-flás de Araceli Gonda ou Vou ter un irmán! de María Solar.